Unan

Nakakalungkot, gabi nanaman
Nasaan na kaya ang aking malambot na unan?
Isang araw nanaman ang nakalipas
Ngunit sa lungkot ng kahapon, ay di makaiwas

Nangungulila parin sa'yo aking sinta
Gabi gabi'y nakadungaw ako sa bintana
Hanggang kailan nga ba maghihintay
Sa araw na tanging ikaw ang taglay?

Tuwing gabi'y nais kang mahagkan
Ang iyong mga labi, nais kong mahalikan
Sa halip, pangungulila'y sa aking unan naibabaling
Upang makatulog lamang ng mahimbing

NAPATINGIN ako sa iyong mga mata

At sa isang iglap, ako ay natulala

Puso ko ay muling tumibok

Ngunit, di kaya ako lamang ay mapusok?

NAGUSTUHAN ko ang iyong mga ngiti

Wala akong pinalalampas na sandali

Nais ko'y araw-araw kang masilayan

Sa bawat sandali, ika'y mahawakan

MINAHAL ko ang lahat sa iyo

Sa piling mo, kuntento na ako

Salamat sa pagdating sa aking buhay

Dahil pinintahan mo ito ng kaygagandang mga kulay