NAPATINGIN ako sa iyong mga mata

At sa isang iglap, ako ay natulala

Puso ko ay muling tumibok

Ngunit, di kaya ako lamang ay mapusok?

NAGUSTUHAN ko ang iyong mga ngiti

Wala akong pinalalampas na sandali

Nais ko'y araw-araw kang masilayan

Sa bawat sandali, ika'y mahawakan

MINAHAL ko ang lahat sa iyo

Sa piling mo, kuntento na ako

Salamat sa pagdating sa aking buhay

Dahil pinintahan mo ito ng kaygagandang mga kulay